Азербејџан ја подготвува целата неопходна документација за меѓународен суд, за тужба против Русија во врска со падот на патничкиот авион на „Азербејџан Ерлајнс“, соопшти претседателот на Азербејџан, Илхам Алиев. Според него, веќе седум месеци Азербејџан не добил ниту еден јасен одговор од руска страна.
„Главниот обвинител на Азербејџан испрати прашања до раководителот на Истражниот комитет на Русија, но како одговор ја добива само формулацијата `Истрагата е во тек`“, рекол Алиев.
Авионот Ембраер 190 на авиокомпанијата „Азербејџан Ерлајнс“ (AZAL), летајќи од Баку, главниот град на Авганистан, до Грозни, Русија, се урна на 25 декември 2024 година во Актау, Казахстан. Авионот бил пренасочен преку Касписко Море кон Казахстан во време на напад со дронови во Чеченија. Притоа задобил механички оштетувања и многу тешко се управувал, по што уследува уривањето близу аеродромот Актау во Казахстан.
Медиумите лојални на Кремљ, вклучително и „Царград“, почнаа напад врз Азербејџан. Се тврди дека специјалните служби на Азербејџан врбувале Руси од дијаспората и помагале на Украина во операцијата „Пајажина“ во која украински дронови длабоко во руска територијата уништија руски воени авиони.
The post Азербејџан решен да ја тужи Русија поради соборениот патнички авион appeared first on Локално.
