Ракометната екипата на Алкалоид е во следната фаза во Европскиот куп на ЕХФ.
Избраниците на Кирил Лазаров славеа и нагости кај Драгунас Клаипеда (37-31) во Литванија откако во Скопје триумфираа со 11 гола разлика.
Уште од почетокот на мечот Алкалоид наметна свое темпо, па на полувремето веќе имаше +4 (21-17).
Во второто полувреме домашниот голман влезе во ритам, па Драгунас Клаипеда почна да ја топи негативата. Но најмногу што успеаја да сторат домаќините беше да дојдат до 25-27. Сепак, Алкалоид даде три гола во низа за 25-30 и финишот на натпреварот беше само рутина.
Најдобар стрелец на мечот беше Мартин Серафимов со 7 гола, додека Марко Митев, Арно Бинго и Александар Петковски дадоа по 6 гола.
Галевски забележа 10 одбрани.
Лидер на Драгунас Клаипеда беше Лускенас со 6 голови.
Текстот Алкалоид со пласман во следна фаза на ЕХФ Купот, повторно падна литванска Клаипеда е превземен од А1он.
