Амбасадорот на Иран во Москва: Русија утре ќе лансира два ирански сателита во орбитата

Утре, Русија ќе лансира два ирански сателита во орбитата со помош на ракета „Сојуз“, изјави денеска иранскиот амбасадор во Москва, Казем Џалали.

Џалали на платформата „Икс“ напиша дека како дел од продолжувањето на развојот на научно-техничката соработка меѓу Иран и Русија во вторник во орбитата на Земјата, оддалечена 500 километри, ќе бидат лансирани два ирански сателита „Ковсар“ и „Ходод“.

Иранскиот приватен сектор е одговорен за развојот на сателитите „Ковсар“ и „Ходод“, што е негово прво значајно достигнување, објави минатиот месец иранската новинска агенција „Тасним“.

Текстот Амбасадорот на Иран во Москва: Русија утре ќе лансира два ирански сателита во орбитата е превземен од МАКФАКС.