Бугарскиот клуб „Ванчо Михајлов“ во Битола пред неколку месеци беше избришан од Централниот регистар, ама тој продолжил со работа, информираше Весна Бендевска, потпретседателката на македонското Собрание и пратеничка на владејачката ЗНАМ.
Таа го информираше Основното јавно обвинителство во Битола за тоа.
Како што информираше Бендевска, клубот активно објавува содржини на социјалните мрежи кои се сметаат за провокативни и насочени против националните чувства на македонскиот народ, неговата историја, јазик и култура.
„Се прашувам дали државните институции можат да најдат правен механизам за забрана на дејствувањето на ова здружение, кое веќе е избришано од регистарот и носи фашистичко име. Ако има индиции за незаконито дејствување, веднаш ќе поднесам нова кривична пријава против Љупчо Ѓоргиевски, поранешниот претседател на ова здружение“, изјави Бендевска.
The post Бугарскиот клуб „Ванчо Михајлов“ избришан од Централниот регистар, ама пак функционира appeared first on еМагазин.
