Речиси четиричасовниот филм, кој веќе е означен како ремек дело слично на „Кум“, го доби првиот трејлер. Станува збор за „The Brutalist“ со Адриен Броди во главната улога.
Филмот беше премиерно прикажан на филмскиот фестивал во Венеција во септември и доби 13-минутни овации.
Во режија на Брејди Корбет, филмот го истражува животот на Ласло Тот (Адриен Броди), еврејски архитект со унгарско потекло кој го преживеал холокаустот и откако емигрирал во САД со неговата сопруга (Фелисити Џонс) го запознава мистериозниот Харисон Ли Ван Бурен (Гај Пирс).
Корбет, кој претходно работеше на „The Childhood of a Leader“ и „Vox Lux“, поминал седум години снимајќи го 215-минутниот филм, кој беше снимен во 70 мм за да ги „рефлектира искуствата на широк екран на околината од 1950-тите“. Филмот го напишал заедно со режисерката Мона Фастволд.
По првото прикажување на филмот, критичарите не можеа да најдат доволно суперлативи за филмот, кој доби едногласни пофалби и беше спореден со некои од најпочитуваните холивудски филмови на сите времиња.
Новинарот Диего Андалуз рекол дека филмот е на исто ниво со „Кум“ на Френсис Форд Копола, „Беше еднаш во Америка“ на Серџо Леоне и „Ќе има крв“ на Пол Томас Андерсон, нарекувајќи го „визионер, кој ја дефинира ерата со американски еп“.
Говорејќи за филмот, Јасмин Кандил напишал: „Неверојатно филмско остварување и она што изгледа толку ретко видено во модерното време“.
Критичарот Бен Ролф го нарекол филмот „готово ремек дело што ја надминува модерната кинематографија“, додавајќи: „Само почетната сцена е брилијантна надвор од овој свет, ве вовлекува во вознемирениот, но брилијантен ум на Ласло Тот“.
Фото: Принтскрин/YouTube
The post (ВИДЕО) Ги воодушевил критичарите – Објавен трејлерот за филмот наречен новиот „Кум“: Во Венеција доби 13-минутни овации appeared first on ekran.
