Пет лица се во критична состојба откако некој со возило се удри во голема група луѓе во Лос Анџелес, пишува „Скај њуз“.
Адам Ван Герпен, портпарол на Противпожарната служба на Лос Анџелес (LAFD), изјави дека повеќе од 30 лица се повредени по инцидентот што се случил околу 2 часот наутро по локално време на булеварот Санта Моника, во близина на Холивуд. Полицијата вели дека поголемиот дел од толпата биле жени кои чекале во ред за да влезат во ноќниот клуб.
Дури пет лица се наводно во критична состојба, осум до десет се во сериозна состојба, а десет до 15 се полесно повредени.
Ван Герпен додаде дека зад воланот на возилото е пронајдено лице во несвест, а дека едно од лицата однесено во болница има прострелна рана. Засега нема потврда дека станува збор за истото лице.
Снимките од местото на настанот го покажуваат оштетеното сиво возило на тротоарот со расфрлани остатоци на земјата.
Наредникот Тревис Ворд, командант на централната сообраќајна дивизија на Полициската управа на Лос Анџелес, рече дека е прерано да се каже дали инцидентот бил намерен и дека истрагата е во тек.
Противпожарната служба ја координираше тријажата и транспортот на пациентите од местото на инцидентот, што се случи околу 2 часот наутро по локално време. Единицата соопшти дека 124 пожарникари помагале на местото на настанот.
BREAKING: At least 20 people were struck by a car that barreled through a crowd in Los Angeles after the driver reportedly lost consciousness, according to authorities.
Pray for those involved. pic.twitter.com/ZdXfKUuvbp
— Brian Krassenstein (@krassenstein) July 19, 2025
The post (ВИДЕО) Маж со автомобил удри во толпа луѓе во Лос Анџелес appeared first on Локално.
