Бразилскиот напаѓач Нејмар се пресели од Пари Сен Жермен во саудиски Ал Хилал во август 2023 година, но веќе во средината на октомври минатата година ги скина вкрстените лигаменти и менискусот. Досега одигра само пет натпревари за саудискиот клуб, а во солзи го најави враќањето.
„Знам дека сте нетрпеливи, па и јас, но на 21 октомври му се враќам на фудбалот. Најмногу сакам во животот да играм фудбал. Секој ден страдам кога сум далеку од фудбалот. Се враќав по секоја повреда претходно, така ќе биде и сега“, изјави Нејмар.
‘EU NÃO VOLTO MEIA-BOCA’
Neymar chora após falar sobre período afastado dos gramados e ‘sofrimento’ após lesão gravíssima
NR Sports#neymar #neymarjr #ney #alhilal #futebol #FutebolNaESPN pic.twitter.com/U11dOL14gx
— SportsCenter Brasil (@SportsCenterBR) October 19, 2024
NR SportsТој се повреди играјќи за националниот тим во квалификациите за СП 2026 против Уругвај.
„Тоа е она што најмногу ме боли. Моето доаѓање во Ал Хилал, раѓањето на ќерка ми, сето тоа се случуваше и направи одлична година, а потоа се случи повредата. Почувствував голема болка и веднаш сфатив дека е сериозно. Најважните работи во мојот живот се пријателите, семејството и фудбалот“, изјави Нејмар за бразилските медиуми.
Нејмар отпатува за Обединетите Арапски Емирати на мечот од азиската Лига на шампиони против Ал Аин, кој започнува денеска во 18 часот.
Ал Хилал добро се снајде и без Бразилецот кој е платен 100 милиони евра по сезона.
Пред Ал Хилал, Нејмар играше за Сантос, Барселона и ПСЖ.
За Бразил забележа 128 настапи, чиј рекорд е 79 гола.
Текстот (ВИДЕО) Нејмар во солзи: „Се враќам!“ е превземен од А1он.
