Големиот мост „Кукс” на реката Дрим во северна Албанија неделава беше отворен за сообраќај на возила. Мостот, чијашто изградба започна во 2020 година и чинела околу 40 милиони евра, има широка заоблена метална конструкција со должина од 310 метри и висина од 56 метри. Тој се наоѓа во округот Кукс во северниот дел на Албанија.
Рама денеска на социјалните мрежи сподели и неколку фотографии и видеозапис од овој мост, кој ги поврзува бреговите на реката Дрим со автопатот Тирана-Кукс-граничен премин Морина на албанско-косовската граница, познат како „Патот на нацијата“.
