Дијабетичната ретинопатија е сериозен, често занемарен проблем кој може да доведе до губење на видот. Раното откривање и лекување се клучни за спречување на понатамошни компликации и стабилизирање на видот, што значително го подобрува квалитетот на животот на пациентите.
Дијабетесот, познат како шеќерна болест, е хронична болест која се карактеризира со покачени нивоа на гликоза во крвта. Луѓето кои страдаат од оваа состојба мора да го приспособат својот начин на живот, исхрана и физичка активност со цел да го задржат здравјето и да ги одложат можните компликации, вклучително и оние поврзани со очите.
Оваа болест е водечка причина за слепило и намален вид кај луѓето ширум светот. Затоа е клучно дијабетичарите редовно, барем еднаш годишно да посетуваат офталмолог, а оние со дијабетична ретинопатија имаат потреба од почести прегледи.
Мрежницата на дијабетичарите често е изложена на различни воспалителни процеси и дегенеративни промени, вклучително и порано појавување на катаракта и зголемен ризик од глауком, што може да доведе до оштетување на оптичкиот нерв.
Најзначајната очна компликација на дијабетесот е дијабетичната ретинопатија, која е предизвикана од оштетување на крвните садови во мрежницата поради високите нивоа на шеќер во крвта.
Симптомите може да вклучуваат намален вид, ненадејни промени во видот, лебдечки честички во видното поле и болка во окото.
Без соодветен третман, ретинопатијата може да предизвика сериозно оштетување на видот, вклучително и крварење во внатрешноста на окото. Третманот обично вклучува инјекции, потешките случаи може да бараат ласерска терапија или операција. Доколку имате проблеми со видот или очите, задолжително посетете го вашиот лекар на време.
Фото: Архива
The post Водечка причина за слепило – Дијабетес и губење на видот: Како превенцијата и раното лекување можат да го заштитат вашиот вид appeared first on ekran.
