Во акција координирана од Европол: Запленети над 14 милиони евра фалсификувани банкноти

Полициски агенции од 18 земји заплениле повеќе од 14 милиони евра фалсификувани банкноти во акцијата „Мамка“, објави Европол.

Во соопштението се наведува дека Европол ја координирал акцијата предводена од Шпанија, Португалија и Австрија.

Целта на операцијата беше да се запре дистрибуцијата на лажни банкноти до поштенските услуги низ Европа.

Во акцијата биле запленети 174 пакети со фалсификувани банкноти, што ја поттикнало полицијата да покрене 144 нови истраги. Во акцијата биле пресретнати 148.130 фалсификувани предмети, од кои 134.949 евра во банкноти и монети и 9.186 британски фунти и 3.959 долари.

Европол додава дека најзастапени биле банкнотите од 50 и 20 евра.