Во Сараево утрово се проверуваат одредени локации поради нови дојави за бомби. Повторно се работи за училишта, ова за Н1 го потврди Мерсиха Новалиќ, портпаролка на Министерството за внатрешни работи (МВР) на кантонот Сараево.
Како што истакна таа, за тројцата малолетници кои синоќа беа уапсени поради дојава за бомба, се уште се води кривична обработка во службените простории на МВР на КС.
„За жал, очигледно е дека одреден број ученици не ја сфатиле сериозноста на ситуацијата или сериозноста на дејствијата што ги направиле и дека за нив ќе одговараат, па затоа утрово имаме одредени локации кои ги проверуваме“ изјави Новалиќ.
Според агенцијата Фена, прес-конференцијата, која ја најавија Музиколошкото друштво на БиХ и Музичката академија на Универзитетот во Сараево, е откажана за денеска во 11 часот на Музичката академија поради нова дојава за бомба добиена од сараевското средно музичко училиште.
Со оглед на тоа што во истата зграда се наоѓа Музичката академија, согласно законските процедури, должни сме да ги откажеме сите активности, вклучително и најавената прес-конференција“, соопштија од училиштето.
Во кантонот Сараево веќе подолго време има дојави за бомби. Синоќа се уапсени тројца малолетници за кои постои основа за сомневање дека лажно пријавиле бомби во средните училишта во областа на кантонот.
2024 – All Right Reserved. Designed and Developed by infobiro
