Во српската амбасада во Скопје, отворена е Книга на жалост

Книга на жалост по повод трагичниот настан на железничката станица во Нови Сад во кој животот го загубија 14 лица, е отворена во Амбасадата на Србија во Скопје. Претседателката, Гордана Сиљановска-Давкова, прва се потпиша. Во телефонскиот разговор со претседателот на Србија, Александар Вучиќ, претседателкта изрази длабоко жалење и искрено сочувство

„Моите мисли и молитви се со семејствата и роднините на оние кои трагично ги загубија животите, меѓу кои и еден Македонец. Во знак на почит и солидарност, утрово во телефонски разговор со претседателот на Србија, Александар Вучиќ, изразив длабоко сочувство и поддршка во овие моменти“, објави македонската претседателка.