Жената која три дена била заробена во автомобил со безживотното тело на својата снаа била спасена во Шпанија откако ги погодила смртоносните поплави, извести во саботата тамошната спасувачка служба.
Автомобилот со преживеаната жена бил откриен во поплавен тунел кој бил блокиран со уништени автомобили. Спасувачите, вадејќи ги автомобилите, слушнале повик за помош од жена. Не можела да излезе бидејќи нејзиниот автомобил бил затрупан под други возила.
„После три дена, најдовме живо лице во автомобил“, информирал денеска шефот на цивилната заштита, Мартин Перез од градот Монкада.
Protección Civil de Moncada, después de tres días, encuentran a una persona viva dentro de un coche.
Lo comunica muy emocionado Martin Pérez, responsable de Protección Civil, al equipo de voluntariado.Gracias a todo el voluntariado de Protección Civil en las diferentes… pic.twitter.com/emmOrw2OkW
— PACMA (@PartidoPACMA) November 2, 2024
Монкада се наоѓа во југоисточната провинција Валенсија, каде во поплавите загинаа повеќе од 200 луѓе. Автомобилот со преживеаната жена е откриен во местото Бенетусер.
Жената е пренесена во најблиската болница, а нејзината здравствена состојба засега не е позната.
Во моментов е во тек потрагата по стотина исчезнати лица. Според последните податоци на шпанската влада, животот го загубиле 211 лица, од кои повеќето во регионот на Валенсија.
The post Во Шпанија спасена жена која три дена била заробена во автомобил appeared first on Локално.
