Актерката Салма Хаек (58) блесна на доделувањето на WSJ Magazine Innovators Awards 2024, заедно со колешката Пенелопе Круз и моделот Емили Ратајковски. Гламурозното трио беше забележано во Музејот на модерна уметност во Њујорк, при што Салма ги собра сите погледи во долг, тесен црвен фустан со длабоко деколте што го истакна целиот нејзин раскош.
Пенелопе заслепуваше во сребрено издание, а нејзиниот фустан имаше смел висок шлиц кој ги истакна нејзините секси нозе.
Емили Ратајковски избра мини фустан кој привлече внимание со испечатени реченици на ткаенината, што беше многу ефективно на црвениот тепих.
View this post on Instagram
Хаек и Круз на црвениот тепих покажаа дека се и блиски пријатели, па заедно позираа рака под рака. Во еден момент дури и се држеа за раце додека се смешкаа за собраните камери.
Salma Hayek, Penelope Cruz and Emily Ratajkowski stun at 2024 WSJ Magazine Innovators Awards https://t.co/B3VNpzFLyV
— Daily Mail Celebrity (@DailyMailCeleb) October 30, 2024
Нивното пријателство е едно од најдолготрајните во Холивуд и трае повеќе од две децении. Тие се запознаа во Лос Анџелес во раните 2000-ти и брзо се поврзаа поради нивното заедничко мексиканско и шпанско потекло, како и претходното актерско искуство. Хајек често ја нарекуваше Пенелопе нејзината сестра во јавноста, бидејќи тие имаат „иста душа“, а се поддржуваа и на екранот и надвор од него. Тие глумеа заедно во филмот „Banditas“ од 2006 година.
Пенелопе Круз дури во една прилика открила дека живеела со Салма кога првпат пристигнала во САД, а потоа направиле практично сестринска врска која трае до денес, пренесува Јутарњи.хр.
Инаку, Салма Хајек неодамна го прослави својот 58 роденден, а го прослави со голем стил. Таа на Инстаграм објави неколку фотографии од својот одмор на кои ја покажа својата извајана фигура во бикини.
