Денес роденден прославува нашиот познат актер Дејан Лилиќ

Дејан Лилиќ е роден на 26 октомври 1974 година во Скопје. Во 1997 година дипломирал на Факултетот за Драмски уметности – Скопје на Универзитетот „Св. Кирил и Методиј“, а од 1998 година работи како глумец во Драмски театар Скопје. Има остварено голем број главни и споредни улоги во претстави на матичниот театар, но и во проекти од други театарски иснтитуции и продукциски куќи. Покрај глумата, вклучен е и во општествениот живот како водител на разни јавни настани. Од 2007 до 2010 година е Уметнички директор на Драмскиот театар Скопје. Од 2010 до 2015 година е директор на Македонскиот народен театар.

Театрографија: Ојдип тиранинот (Ојдипус Тиранос, 1997); Кристофер Махон (Заводникот од западниот свет, 1997); Бил (Тхе ловер, 1998); Креонт (Антигона во Техноленд, 1998); Иван Соловјов или Славеј (Земјомерот, 2000): Стефан (Диво месо, 2000); Шереф (Ферхад и Ширин, 2000); Жан Дестив (Јованка Орлеанска, 2000); Непознатиот (Кандид во земјата на чудата, 2000); Иван Соловјов – Соловеј (Земјомерот, 2000); Алексндар Македонски (Macedoan-Одисеја 2001, 2001); Војдан (Тетовирани души, 2001); Царот (Како се станува цар, 2003); Човекот со палка и Лени (Марисол, 2004); Михајло (Лет во место, 2005); Падрајк (Поручникот од Инишмор, 2005); Иљо (Демонот од Дебар Маало, 2006); Мичо (Комшилук наопаку, 2007); Томас Мор (Кинегонда во Карлаленд, 2009); Александар (Александар, 2009); Хамлет (Хамлет, 2010); Леоне (Генетика на кучињата, 2012).

Филмографија: Џипси меџик (1996); Освета (1998); Боли ли? (2006); Американецот (2006); Скопје ремикс (2010); Измена (2012) и многу други.

Добитник е на голем број награди и признанија:

• 2012, Награда за најдобра споредна машка улога „Димче Трајковски“ на МТФ „Војдан Чернодрински“ во Прилеп
• 2011, Награда „Љубомир Муца Драшкиќ“ за најдобар глумец на вечерта на меѓународниот театарски фестивал „Муцијеви дани“, Театар „Атеље 212“, Белград, Србија, за улогата на Хамлет во претставата „Хамлет“
• 2011, Златна награда за најдобро глумечко остварување за улогата на Хамлет во претставата „Хамлет“ р. Дејан Пројковски, на биеналниот Меѓународен театарски фестивал „Глумбал“ во Ниш
• 2011, Награда за најдобра машка улога на МТФ „Војдан Чернодрински“ Прилеп за улогата на Хамлет во претставата „Хамлет“
• 2010 Награда за најдобар глумец за претставата „Хамлет“ на меѓународниот Фестивал за античка драма „Стоби“, 2010
• 2010 Награда „Златна маска“ во Светот на успехот – Препознаени и признаени од граѓаните на Р Македонија
• 2010 Награда „Златна Бубамара на популарноста“
• 2009 Награда за најдобар глумец за претставата „Александар“ на меѓународниот Фестивал за античка драма „Стоби“,
• 2006 Награда „Ристо Шишков“ на Фестивалот за камерен театар „Ристо Шишков“ – Струмица за улогата на Помалиот брат во претставата „Превртувач“ од Ненад Вујадиновиќ, во режија на Јовица Павиќ
• 2004 Златна Бубамара на популарноста за најпопуларен глумец во годината
• 2004 Награда за најдобро глумечко остварување на 39-от МТФ „Војдан Чернодрински“ Прилеп за улогата на Човекот со палка и Лени во претставата „Марисол“ од Хосе Ривера, во режија на Владимир Милчин
• 2001 Награда за најдобро глумечко остварување на 36-от МТФ „Војдан Чернодрински“- Прилеп за улогата на Стево во претставата „Диво месо“ и улогата во претставата „Кандид во земјата на чудата“
• 2001 Награда „Златна маска“ на фестивалот „Охридско лето“ за улогата на Александар Македонски во претставата „Мацедоине- Одисеја 2001“ која ја доделува весникот „Вечер“
• 2000 Златна Бубамара на популарноста за најпопуларен глумец во годината
• 1998 Награда за најдобра епизодна улога во претставата „The lover“ од списанието „Екран“
• 1997 Прогласен за млад глумец на годината според списанието „Екран“

Среќен роденден Дејан ти посакува редакцијата на Екран.