Директорот на Царинската управа, Бобан Николовски посочи дека системот „Отворен Балкан“ на граничните премини „функционира со потешкотии“.
Членови на таа регионална иницијатива се Македонија, Србија и Албанија.
„Системот работи, но со тешкотии. Транспортерите и бизнисмените се апсолутно во право дека мора да се направат подобрувања“, рече Николовски пред новинарите.
Тој најави дека Царинската управа планира средби со сите земји кои се дел од проектот и ќе воведе технички подобрувања на граничните премини за да се забрзаат постапките.
Ова го истакна на средбата на која беа презентирани резултатите од стодневната работа на Царинската управа во земјава.
Тој рече дека од 1 јули до 8 октомври е остварен вкупен приход од 35,4 милијарди денари (576,4 милиони евра), што е за три милијарди денари (48,7 милиони евра) или за 9,2 отсто повеќе од истиот период лани.
Бројот на одземени предмети во овој период е зголемен за 60,2 отсто, а за речиси три пати е зголемен бројот на пријави за сторени кривични дела поднесени од Царинската управа.
„Подобрена е соработката со бизнис заедницата и меѓуинституционалната соработка, како и меѓународната соработка“, кажа Николовски.
The post Директорот на Царината: Има потешкотии со системот „Отворен Балкан“ на граничните премини appeared first on Локално.
