Одењето е едноставна активност што носи големи здравствени придобивки, а дури и кратките прошетки можат значително да влијаат на телото и умот. Еве што вели науката за тоа што се случува со вашето тело во зависност од тоа колку долго одите.
Прошетка од 2 до 5 минути
Помага во регулирањето на шеќерот во крвта и го поттикнува губењето на тежината. Кратката прошетка по оброкот може да помогне во стабилизирањето на шеќерот во крвта. Студиите покажаа дека нивото на шеќер и инсулин варира поблаго ако прошетате по јадење наместо да седите или стоите.
Д-р Ребека Робинсон објаснува дека одењето веднаш по јадењето им помага на мускулите да ја користат гликозата од крвта, што ја намалува нејзината количина и ја намалува можноста вишокот да се складира како маснотии, особено во абдоминалната област.
Кратките прошетки исто така можат да спречат ненадејни скокови и падови на шеќерот во крвта, што често предизвикува замор, глад и желба за слатки.
10-минутна прошетка
Го намалува крвниот притисок и го подобрува расположението. А само десет минути одење може да го намали систолниот крвен притисок. Исто така, го подобрува расположението, а луѓето кои редовно одат се полесно мотивирани да продолжат со физичка активност.
Дневната 10-минутна прошетка може да помогне и во намалувањето на ризикот од мозочен удар, срцеви заболувања и некои видови рак, покажаа големи анализи на податоци.
30-минутна прошетка
Ги ублажува симптомите на депресија и ги зајакнува коските. Половина час одење има позитивен ефект врз менталното здравје. Луѓето со депресија кои оделе 30 минути се чувствувале ментално подобро и посмирено, а нивото на напнатост и замор се намалило.
Покрај тоа, брзите прошетки неколку пати неделно можат да помогнат во зачувувањето на густината на коските, што е особено важно за жените пред менопауза.
40-минутна прошетка
Го подобрува памтењето и го штити срцето. Редовните 40-минутни прошетки можат да ја подобрат меморијата и здравјето на мозокот. Постарите луѓе кои оделе три пати неделно имале подобри резултати на тестовите за меморија и поздрава бела маса во мозокот.
Исто така, жените кои оделе 40 минути неколку пати неделно имале помал ризик од срцева слабост, покажуваат истражувањата.
60-минутна прошетка
Го подобрува сонот, го намалува ризикот од депресија и стрес. Еден час одење дневно може да го продолжи и подобри квалитетот на сонот, особено кај жените во менопауза.
Истражувањата, исто така, покажаа дека одењето може да го намали ризикот од депресија. Умерената физичка активност, како што е одењето, помага во одржувањето на психолошката рамнотежа.
Прошетката во природа делува особено добро за намалување на стресот бидејќи ја намалува активноста на мозочните области вклучени во обработката на стресот. Прошетката низ градот нема ист ефект, пишува списанието Women’s Health.
The post Изненадувачки разлики: Како одењето го менува вашето тело по 5, 10, 30, 40 и 60 минути appeared first on Локално.
