Израелските одбранбени сили (ИДФ) објавија на Х профилот, поранешен Твитер, видео и фотографии од борбени авиони Ф-15 и Ф-16 кои извршија напади во Иран рано утринава.
На снимката се гледаат и четири женски навигатори од израелските воздухопловни сили кои учествувале во оваа операција.
The IDF releases a video showing F-15 fighter jets heading out to carry out last night’s strikes in Iran. pic.twitter.com/9BAjeSBP5H
— Emanuel (Mannie) Fabian (@manniefabian) October 26, 2024
Според војската, десетици израелски воени авиони, вклучувајќи борбени авиони, танкери со гориво и шпионски авиони, учествувале во нападите на приближно 1.600 километри од Израел.
Израелските власти истакнаа дека целта биле иранските системи за противвоздушна одбрана и капацитетите за производство на ракети.
Иран го осуди синоќешниот израелски напад на неколку локации во земјата, нагласувајќи дека тоа е јасно кршење на Повелбата на Обединетите нации и дека има право на легитимен одговор.
