РБ Лајпциг е секако најважниот клуб во франшизата на Ред Бул, со години е на врвот на германскиот фудбал, а исто така е добро позициониран на меѓународната сцена.
Од минатата недела, трофејниот германски стручњак, Јурген Клоп, е тој што ќе има важна улога во трансферите на овој клуб, а наводно веќе ја избрал првата мета.
Како што пишува „Defensa Central“, поранешниот менаџер на Ливерпул ќе почне да го убедува Арда Гулер, кој има мала минутажа во Реал (М), иако ставува збор за голем талент.
„Тој е многу добар, ќе го доведеме и тој ќе игра за нас, за една година ќе го продадеме за 100 милиони евра или повеќе“, наводно има изјавено Клоп за младиот турски играч за врска.
Ѓулер навистина не игра редовно во Реал (М) од неговото доаѓање. Во првата сезона поради повреди, а досега во втората Карло Анчелоти најмногу го чува на клупата за резервни фудбалери.
Како што сега стојат работите, РБ Лајпциг ќе тргне по Ѓулер во летото 2025 година, а во меѓувреме младиот Турчин ќе размислува и за статусот во Реал, особено ако не добие посериозна минутажа на следните натпревари.
Ѓулер досега најмногу покажуваше трпение, но тешко е да се поверува дека така ќе биде и во остатокот од сезоната.
Во досегашниот дел од натпреварувачката 2023/24 година, Ѓулер на теренот мина само 291 минута, што е доволен показател колку Анчелоти (не) му верува. Сè уште нема асистенции или голови.
Уште ова лето се зборуваше за негово заминување кога Милан и Борусија Дортмунд покажаа сериозен интерес за неговите услуги. Турчинот исто така го прекина одморот за да влезе максимално подготвен во сезоната, но тоа не му беше многу од корист.
Интересно е што и многу навивачи на Реал сметаат дека Гулер заслужува повеќе простор за игра, но Анчелоти има други планови. Сето ова би можело да го натера поранешниот играч на Фенербахче да размислува за промена на клупската средина.
