Некои луѓе остануваат во емоционално исцрпувачки и самодеструктивни врски со години, а експертите ги открија најчестите однесувања на овие партнери.
Имено, ваквите партнери користат различни збунувачки обрасци на однесување, од отфрлање до интензивни искажувања на љубов, сè во обид да ја одржат контролата. Кога таквите тактики не успеваат, тие посегнуваат по очајни молби, празни ветувања или дури и закани за самоповредување.
Луѓето кои се наоѓаат во такви врски честопати чувствуваат дека нешто не е во ред, но им е тешко да ги напуштат од страв од одмазда или емоционална приврзаност. Во сето ова, клучно е да се разбере дека причините за однесувањето не лежат во нив, туку во длабоко вкоренетите обрасци на нивните партнери кои ја перцепираат контролата како единствен начин да се чувствуваат безбедно.
Психологот и брачен советник Ренди Гунтер истакна неколку однесувања кои укажуваат дека вашиот партнер сака да ве контролира.
„Кога сакаат интимност, тие ги игнорираат сите граници што ги поставува нивниот партнер, користејќи шарм, закани или емоционална уцена за да привлечат внимание. После тоа, овие партнери често исчезнуваат без објаснување, се повлекуваат целосно и поставуваат емоционални ѕидови, казнувајќи го својот партнер за обидот да се поврзе“, изјави Гунтер за Psychology Today.
Уште од детството, овие партнери научиле дека ќе бидат сакани само ако се однесуваат на одредени начини, молејќи, манипулирајќи или создавајќи драма.
„Кога овие тактики функционираат, тие се чувствуваат моќни, како да имаат контрола. Кога не функционираат, се чувствуваат беспомошни и ја зголемуваат својата контрола“, рече таа.
Овие партнери копнеат по интимност од која исто така се плашат.
Гинтер истакнува: „По период на емоционално поврзување, тие можат неочекувано да станат ладни, сомничави и агресивни бидејќи интензитетот на врската ги плаши. Наместо да останат во таа интимност, тие бегаат или напаѓаат за повторно да се дистанцираат.“
Поради бројни емоционални рани и чувства на отфрлање од минатите врски, овие партнери развиваат силна потреба за одмазда.
„Тие влегуваат во нови врски со недоверба, очекувајќи отфрлање и брзо преминуваат од фазата на идеализација во фазата на гнев и обвинување“, вели психологот.
