Ламин Јамал е најдобар млад играч во светот

Тинејџерска ѕвезда на Барселона и на шпанската репрезентација, Ламин Јамал повеќе од заслужено ја освои наградата за најдобар млад фудбалер на планетата, откако тоа беше и официјално потврдено на церемонијата на „Франс фудбал“ во Париз.

Со само 17 години Јамал покажува дека е иднината на шпанскиот фудбал и има огромен потенцијал наскоро да прерасне во најдобар светски играч, иако за тоа ќе треба допрва да се докаже на терените и да ја воодушевува публиката каде и да настапува.

Јамал се вбројува меѓу најскапите млади фудбалери на светот, а неговата Барселона веќе одби неколку понуди за неговите услуги, кои не беа пониски од неверојатни 200 милиони евра.