Женската ракометна репрезентација на Македонија со пораз го започна настапот на турнирот „Трофеј Карпати“ во Клуж.
Нашите ракометарки се поразени од домашната селекција на Романија со 36-25.
Избраничките на селекторот Грчевски беа рамноправи само во воведните 3-4 минути, кога имаа негатива од еден гол. Потоа домаќинките ја презедоа контролата над играта и полека ја зголемуваа предноста. Првиот дел Романките го добија со 4 разлика (16-12), а на крајот славеа со +9 (36-25).
Со по шест постигнати голови, Јована Кипријановска и Ивана Гакидова беа нашите најефикасни ракометари. Јована Мицевска натпреварот го заврши со 11 успешни одбрани.
Утре (сабота 13.30 часот) македонските ракометарки ќе играат против Словачка, а в недела (11.30 ч.) е дуелот со Швајцарија.
Овие натпревари се дел од подготовките за ЕП на кое Македонија ќе настапат во групата „А“ во Дебрецен.
The post Македонските ракометарки поразени од Романија (ВИДЕО) appeared first on .
