Иако многумина очекуваа „Златната топка“ да ја освои играчот на Реал (М), Винисиус Јуниор, тоа не се случи. На крајот, наградата која ја доделува „Франс Фудбал“ ја освои играчот од средниот ред на Манчестер Сити и репрезентативец на Шпанија, Родри.
И англискиот премиерлигаш е презадоволен што нивниот играч ја освои оваа престижна награда, а тоа го покажуваат и објавите на социјалните мрежи. Веднаш откако беше потврдено дека Родри ја освои „Златната топка“, популарните „граѓани“ на социјалните мрежи постираа неколку слики од Шпанецот и под нив напишаа: „Најдоброто во светот“ и „Број еден“.
Со оглед на тоа дека многу повеќе се пишуваше за тоа како Винисиус не ја освоил наградата, отколку за победата на Родри, се чини дека Манчестер Сити реши да го пецне својот ривал од Шпанија.
„Можеме ли да зборуваме за Родриго?“, пишува во еден пост на Сити.
