Аргентинецот Лионел Меси, еден од најдобрите фудбалери на сите времиња, во својот клуб Интер од Мајами заработува повеќе од сите професионални фудбалери заедно во 22 од 28-те екипи од МЛС лигата. Ова се податоците објавени од Синдикатот на играчи без да се земат предвид плаќањата на спонзорите.
Меси, кој е актуелен светски шампион со Аргентина, ќе заработи 20.446.667 долари бидејќи Интер ја обезбеди титулата во регуларниот дел од сезоната. Со 41,7 милиони долари, тимот на Мајами е значително поскап од кој било друг во лигата.
Следува Торонто со 31,8 милиони зелени банкноти, а потоа и двата тима од Лос Анџелес. Галакси издвојува 22,1 милиони долари за плати, а ФКЛА 22 милиони долари.
Освен споменатите четири екипи, повеќе од Меси заработуваат сите фудбалери на тимот на Нешвил (21), Синсинати (21) и Хјустон (20,5).
The post Меси вреди повеќе од 22 екипи во МЛС лигата! appeared first on Локално.
