4
Кошаркарите на МЗТ Скопје се пред елиминација во АБА2 лигата, откако во драматична завршница претрпеа уште еден пораз во регионалното натпреварување, овој пат на гости кај Хелиос Домжале со 68:67.
Македонскиот шампион имаше напад за победа, но истиот не успеа да го реализира преку Брендон Слај, за трет пораз во низа.
- Имавме добар напад. За нас ова е не знам кој натпревар во низа кој го губиме на еден посед во оваа сезона. Ништо, тоа е што е, го гледаме календарот за следниот натпревар и тоа е тоа, истакна тренерот на МЗТ Скопје, Васко Атанасов.
За пласман во следната фаза, МЗТ Скопје ќе мора да ги добие последните две средби, двете на домашен терен, против Тиват и Цедевита јуниор, како и да чека пораз на Цедевита во дуелот против Домжале.
Што се однесува до останатите наши претставници во регионалното натпреварување, нов дебакл доживеа Работнички, откако на гости беше убеливо поразен од Босна во Сараево со 84:58, со што практично ги загуби шансите за прогрес понатаму.
