Женската фудбалска репрезентација на Македонија до 16 години оствари победа, во првото коло од УЕФА развојниот турнир во Албанија. Младите македонски фудбалерки славеа над соодветната селекција на Бугарија по подобро изведување на пенали (4:2)
Натпреварот заврши 1:1, а во пенал серијата избраничките на селекторот Катерина Милеска беа многу посигурни и на крајот се радуваа на првата победа.
Селекцијата на Бугарија имаше предност од 1:0 во 47.минута, благодарение на голот на Емма Варбанов. Ана Марија Цветковска во 86.минута го израмни резултатот на 1:1.
Во пенал серијата, во нашата репрезентација погодија Розита Пецева, Ана Марија Цветковска, Тамара Лазеска и Елена Наумовска. Во селекцијата на Бугарија, прецизни од белата точка беа Зорнитса Коева и Јоанна Георгиева.ж
Вториот дуел од развојниот турнир ќе се игра утре (15 април), во истиот термин од 11.30 часот, а противник е Грузија.
The post Младите македонски фудбалерки (У16) ја победија Бугарија (ВИДЕО) appeared first on Sport Plus Macedonia.
