НАПАД ВО АВТОБУС ВО СКОПЈЕ: 18-годишно момче било прободено со нож од малолетник на 15 години, кој е приведен

Во автобус на еден од приватните превозници, синоќа бил пронајден млад скопјанец кој бил прободен со остар предмет, дознава 24инфо.мк.

18-годишниот скопјанец бил нападнат од две лица на постојката кај трговскиот центар Сити мол.

-За кратко време по нападот, полицијата уапсила едно малолетно лице на возраст од 15 години кој признал дека го сторил делото, пишува порталот.

Повредениот скопјанец е задржан на скопските клиники, а напаѓачот е задржан во полициска станица.