Денеска на територија на општина Чаир била нападната градоначалничката на Град Скопје, Данела Арсовска. Како што информираат од МВР, нападот се случил при извршување на службени обврски на територија на скопската општина.
-На 11.07.2025 во 12:15 часот, во СВР Скопје од страна на А.Ј. е пријавено дека при извршување работни задачи на улицата Кумбара физички била нападната градоначалничката на Град Скопје, Данела Арсовска и дека повеќе лица ѝ упатувале вербални закани. Истата не сакала да поднесе пријава за настанот, по што се упатила во ГОБ 8 Септември за укажување лекарска помош, појаснуваат од полицијата.
СВР Скопје отвори истрага за утврдување на идентитетот на напаѓачите и на околностите под кои дошло до инцидентот.
Според тврдењата на градоначалничката на Скопје има масовно незаконско легализирање на објекти кои се високи згради, елитни станбени комплекси, а не ситни градби и реконструкции во Општина Чаир. Но, тврди и дека тоа е единствена општина во која има толку голем број на фалсификати за легализација на дивоградби. Градоначалничката постојано изнесуваше пријави и официјални документи за неправилности дозволени од градоначалникот на општината, Висар Ганиу. Таа исто така обелодени дека постојано добива закани по нејзиниот живот и животите на членови на нејзиното семејство.
The post Напад врз Арсовска во Чаир, побарала лекарска помош во болница appeared first on Локално.
