Најдобрите евролигаши можат да играат со некои НБА тимови

Францускиот кошаркар Гершон Јабуселе смета дека најсилните тимови од Евролигата можат да играат на исто ниво со повеќето НБА тимови.

Јабуселе има искуство и во најсилната лига во светот и во неофицијалната втора најсилна лига, а тоа е Евролигата, па оттука може прецизно да процени за нивото на едниот и на другиот и колку е голема разликата меѓу најдобрите.

• Секогаш велам дека некои од најдобрите тимови во Евролигата би можеле да се натпреваруваат со некои НБА тимови, тоа е сигурно. Не велам дека можат да се натпреваруваат со најдобрите тимови. Тие се две сосема различни лиги, истакна Јабуселе кој дебитираше во НБА лигата оваа сезона.