Нови преговори меѓу Украина и Русија почнуваат утре

Нова рунда мировни преговори меѓу Украина и Русија е планирана за среда во Турција, изјави украинскиот претседател Володимир Зеленски, цитирајќи го секретарот на Советот за безбедност на Украина.

„Денес разговарав со Рустем Умеров за подготовките за размена на затвореници и нова средба со руската страна во Турција“, рече Зеленски во видео обраќање доцна во ноќта.

„Умеров извести дека средбата е планирана за среда. Повеќе детали ќе бидат достапни подоцна“, додаде Зеленски.

Умеров, кој сега е секретар на Советот за безбедност на Украина, ги водеше првите две рунди разговори со Русија како министер за одбрана.

Фото: принтскрин

Текстот Нови преговори меѓу Украина и Русија почнуваат утре е превземен од МАКФАКС.