Од денес до 5 ноември ќе се одржат 32. Меѓународни средби на студенти од драмските академии СКОМРАХИ 2024

Под мотото „Дионизија сега“, од 1 до 5 ноември на Факултетот за драмски уметности (ФДУ) во Скопје ќе се одржат Меѓународните студентски средби „Скомрахи“. Отворањето е во Драмскиот театар со претставата „Кралот Иби“ од Алфред Жари, со студентите од ФДУ.

Претставите ќе се играат во повеќе простори: Академската сцена на ФДУ, Драмскиот театар, Албанскиот театар, Младинскиот културен центар и „Котур кафе и филм“. Во рамките на програмата ќе бидат изведени претстави од Украина, Белгија, Швајцарија, Словенија, Романија, Бугарија и од Чешка.

Програмата на 32. издание на „Скомрахи“ вклучува и: изложба за повторна употреба на театарскиот „отпад“, колективна перформативна прошетка низ Скопје со лабораторијата за просторно изведувачки практики „Градот како сцена“, панел-дискусија, разговори по претставите и музички настани.

Паралелно со програмата, на ФДУ ќе се одвива и работилница за развој на колективен перформанс што ќе биде изведен на последниот ден, а во чие создавање ќе учествуваат сите учесници на „Скомрахи“, студенти од Факултетот за ликовна уметност, Факултетот за музичка уметност и од Одделот за дизајн и инженеринг на облека на Технолошко-металуршкиот факултет при УКИМ, студенти од Академијата за уметност „Фонтис“ во Тилбург (Холандија) и неколкумина уметници од локалната дрег-сцена.

Влезот е бесплатен за сите настани.

Програма и распоред:

1.11.2024 [петок]
20:00 @ НУ Драмски театар – Скопје
„КРАЛ ИБИ“, Факултет за драмски уметности
23:00 @ Бифе на ФДУ
диџеј сет на Александар Јорданов

2.11.2024 [сабота]
11:00 @ ФДУ
Отворање на изложба РЕ-УПОТРЕБА НА ТЕАТАРСКИ ОТПАД ВО КОРИСЕН ЈАВЕН ПРОСТОР, Лабораторија за просторно изведувачки практики „Градот како сцена“
12:00 @ ФДУ
#SKOMRAHtalks / Разговор за изведбата на „КРАЛ ИБИ“
19:00 @ Академска сцена
Панел дискусија – ПОИНАКОВ НАЧИН ДА СЕ БИДЕ
20:30 @ Академска сцена
„СЛАДОК МАЛ ЛАЖГО“, Кралски конзерваториум Антверпен, Оддел за драма, Белгија
22:00 @ Академска сцена
„КАКО ГИ ПЛАШАМ ЛУЃЕТО“ – Национален универзитет за театар, филм и ТВ, Киев, Украина
23:00 @ ФДУ бифе
диџеј сет на Миа Ѓоргиевска

3.11.2024 [недела]
12:00 @ ФДУ
#SKOMRAHtalks / Разговор за изведбите на „СЛАДОК МАЛ ЛАЖГО“ и „КАКО ГИ ПЛАШАМ ЛУЃЕТО“
20:30 @ НУ Албански театар – Скопје
„ДООШЛОГДАДО“, Академија на уметностите, Берн, Швајцарија
22:30 @ ФДУ бифе
диџеј сет на ЈанкоПетелЈаваше

4.11.2024 [понеделник]
12:00 @ ФДУ
#SKOMRAHtalks / Разговор за изведбата на „ДООШЛОГДАДО“
17:00 @ Котур кафе и филм
#SKOMRAHtalks „НАЛЕПНИЦА“ или КАКО ЗАЕДНО НАПРАВИВМЕ ФИЛМ
18:30 @ Котур кафе и филм
Селекција на кратки студентски филмови
20:30 @ Академска сцена
„Figurae veneris historae“, Академија за театар, радио, филм и ТВ, Љубљана, Словенија
22:00 @ Академска сцена
#SKOMRAHtalks / Разговор за изведбата на „Figurae veneris historae“
23:00 @ ФДУ бифе
диџеј сет на H&M

5.11.2024 [вторник]
19:30 @ Младински културен центар
Изведба на учесниците во работилницата за развој на перформанс
20:00 @ Младински културен центар
„ДВОЈНА ПРОСЛАВА“ Национален универзитет за театар и филм, театарска академија, Букурешт, Романија
21:00 @ Младински културен центар
#SKOMRAHtalks / Разговор за изведбата на „ДВОЈНА ПРОСЛАВА“
22:30 @ ФДУ бифе
диџеј сет на Berryqyat