Раководството на Реал Мадрид бара начин да се раздели со Давид Алаба, тврди АС. На крајот на јуни, австрискиот репрезентативец повторно се повреди, а на „Сантијаго Бернабеу“ дошле до заклучок дека би било подобро за клубот да се ослободи од него со оглед на неговите чести повреди и високата плата.
Алаба, кој потпиша како слободен агент од Баерн Минхен во 2021 година, добива 12,5 милиони евра по сезона. Минатата сезона, тој учествуваше само во 7 натпревари во Ла Лига, додека една година претходно запиша 14 првенствени настапи.
Договорот на дефанзивецот е до летото 2026 година. Неговата желба е да остане во тимот и да биде во оптимална форма за претстојното Светско првенство.
Реал Мадрид ја обнови својата одбрана со доаѓањето на Дин Хаузен, Трент Александар-Арнолд и Алваро Карерас, што значи дека дури и да е здрав, Алаба ќе се бори за место во стартниот состав.
The post Реал Мадрид сака да се ослободи од Алаба appeared first on Локално.
