Од 18 јули, Меркур започнува ретрограден циклус во знакот Лав и ќе остане во ова движење до 11 август.
Овој ретрограден период не е тука за да нè збуни, туку да нè научи како да се изразуваме појасно, како да се поврземе со нашето срце и како да ги препознаеме старите идеи кои вредат да бидат обновени. Бидејќи Лавот владее со креативноста, гордоста, љубовта и личниот израз, оваа фаза ќе ни постави прашања: Дали го зборувам она што навистина го мислам? Дали стојам зад она што го создавам? Дали мојот глас е автентичен?
Овен
Овој ретрограден Меркур ве враќа на незавршени креативни идеи, стари љубовни теми и прашања поврзани со вашето чувство на изразување. Можно е да се појави некој од минатото или да се вратите на хоби кое ве исполнувало. Ова не е време за импулсивни романтични одлуки, туку за внатрешно прочистување: дали се изразувате од срце или од потреба за признание? Може да се чувствувате фрустрирано ако другите не реагираат како што очекувате, но токму тука е лекцијата. Учете се да создавате без да зависите од туѓ аплауз.
Бик
Меркур ретрограден го активира вашето поле на домот, семејството и внатрешната сигурност. Можно е да се вратите на стари теми со родител или блиски членови на семејството, или да размислувате за селидба, уредување на простор или емоционално расчистување со потеклото. Ова е период во кој треба да си поставите прашања: што значи „дом“ за мене? Дали живеам онаму каде што се чувствувам прифатено/а? Бавноста што ќе ја почувствувате е сигнал за реорганизација на основата — физичка, емотивна, семејна.
Близнаци
Како знак под владеење на Меркур, ќе го почувствувате ретроградниот циклус интензивно, особено во комуникацијата, секојдневните навики и мисловните процеси. Можно е враќање на разговори што биле прекинати, средби со луѓе што сте ги загубиле од вид или преработка на нешто што го учите. Пазете се од недоразбирања, но и не се плашете да молчите кога е потребно. Вашиот ум е побрз од околината, но сега е време да слушате повеќе отколку што зборувате. Повторното читање, пишување и враќање на некој ментален предизвик ќе ви донесе длабока јасност.
Рак
Оваа ретроградност ја отвора темата на вашата вредност, финансиска и лична. Можно е да се појават стари прашања околу пари, самодоверба или одлуки што сте ги донеле врз основа на страв или сигурност, а не на вистинска потреба. Не е време за големи финансиски потези, туку за ревизија: каде течат вашите ресурси? Дали вложувате во нешто што ве гради? И уште поважно, дали знаете колку вредите, без да чекате другите да ви го потврдат тоа? Преку враќање на стари вредносни обрасци, конечно можете да изградите нови.
Лав
Меркур е ретрограден токму во вашиот знак, што значи дека ова е личен процес. Можно е да се чувствувате како да не ве разбираат, како да ви се враќаат стари несигурности или како да ја губите контролата врз сопствениот глас. Но токму ова е време за длабока лична рестартизација. Вратете се кон својот автентичен израз, кон својот збор, кон срцето. Ќе научите дека тишината може да биде подеднакво моќна како и зборот. Ова не е пад, туку можност да се запрашате: кој сум кога никој не ме гледа?
Девица
Оваа ретроградност се одвива во вашето дванаесетто поле — скриени мисли, емоции, потсвест. Можно е враќање на стари стравови, сништа, интуитивни сознанија или потреба да се изолирате за да се исчистите ментално. Ќе чувствувате како да не можете да се изразите како што сакате, но тоа не е казна — туку повик да зборувате со себе. Медитација, терапија или само тивко набљудување ќе ви откријат нешто клучно. Секој збор што сега не го изговорите, може подоцна да излезе појасен, посилен и посвесен.
Вага
Ретрограден Меркур го активира полето на пријателства, мрежи и колективна визија. Можно е да се појават луѓе од минатото, или да се вратите на проекти што некогаш сте ги започнале со други. Ќе треба да се запрашате: дали моите сојузи се вистински? Дали работам со луѓе кои ми ја поддржуваат визијата или само ја користат мојата енергија? Не склучувајте нови соработки веднаш — слушајте внимателно. Сега ќе се расчисти кој навистина стои зад вас — а кој само изгледа така.
Скорпија
Оваа ретроградност ја отвора вашата јавна слика, кариера и односот кон авторитет. Можно е да се врати прашање што долго време сте го игнорирале: дали сте каде што сакате да бидете? Дали зборувате со сигурност кога треба да се застапувате себеси? Можеби ќе мора повторно да преговарате, да преработите јавен проект или да расчистите нејасен однос со некој над вас. Меркур ве тера да застанете пред огледало и да се запрашате: што зборува мојот имиџ за мене? Време е за усогласување.
Стрелец
Меркур ретрограден во вашето деветто поле ја активира темата на верувања, визии, патувања и учење. Можно е да се вратите на тема што некогаш сте ја студирале, да ви се јави поранешен ментор, или пак да почувствувате конфузија околу иднината. Но наместо да паничите, запрашајте се: што учам од ова? Каде сум тргнат/а? Сега не е време за експанзија, туку за осмислување. Вашите идеи сега треба да „отстојат“ за да дозреат. Патувајте внатре, пред да резервирате нов лет.
Јарец
Оваа ретроградност ве носи во длабочината — емоционална, финансиска, интимна. Можно е да се соочите со стари долгови (буквално или симболично), или да се вратите на тема околу довербата, зависноста или заедничките ресурси. Сега не е време за ризични потези, туку за расчистување на она што сѐ уште ви тежи. Меркур во осмата куќа ве тера да ги наречете нештата со вистинското име, дури и ако се непријатни. Лекувањето доаѓа кога ќе се соочите, не кога ќе го закопате тоа чувство длабоко во себе.
Водолија
Меркур ретрограден во вашата седма куќа ја отвора темата на партнерствата — љубовни, професионални, блиски. Ќе се појават прашања што биле потиснати, разговори што не биле завршени, и можеби личности што мислевте дека се минато. Ова е време да го преиспитате начинот на кој комуницирате во односите: дали зборувате за себе или само за да избегнете конфликт? Важно е да бидете трпеливи, бидејќи не сите разговори ќе донесат веднаш резултат. Но сите ќе откријат нешто важно.
Риби
Меркур ретрограден во вашата шеста куќа ја активира темата на работа, рутина и здравје. Можно е враќање на стари обврски, проблеми со распоредот или комуникација со колеги. Ќе почувствувате потреба да прераспределите енергија: што е важно, а што не мора? Оваа ретроградност ве учи дека не мора сè да биде совршено, туку одржливо. Можеби ќе се вратите на стара навика која ви правела добро, или конечно ќе се откажете од нешто што ве изморува. Телото зборува, слушајте внимателно.
