Американскиот претседателот Џо Бајден изјави дека САД ќе обезбедат за Киев кредит во износ од 20 милијарди долари од каматите добиени од замрзнатите руски резереви на Запад поради агресијата на Москва врз Украина.
Групата на седум најразвиени демократии (Г-7) гарантира дека руските странски резерви во западните банки и финансиски институции кои се во износ од околу 300 милијарди долари, ќе останат замрзнати сè додека Русија не ја прекине својата агресија и не плати репарации за нанесените штети.
Украина треба да добие вкупно 50 милијарди долари кредит.
Дваесетте милијарди долари се делот на САД. Вашингтон планира до декември да ја префрли целата сума во доверителен фонд на Светската банка која ќе ги менаџира средствата. Останатите 30 милијарди доаѓаат од партнерите во Г-7, вклучувајќи ја ЕУ, Велика Британија, Јапонија и Канада.
The post САД доделуваат 20 милијарди долари кредит за Украина, од каматите добиени од замрзнатите руски резереви appeared first on Локално.
