Бразилскиот интернационалец од редовите на актуелниот европски клупски шампион, тимот на Реал (М), Винисиус Жуниор, добил неверојатна понуда од Саудиска Арабија, јавуваат шпанските медиуми.
Истите медиуми не наведуваат за кој клуб станува збор, но „Ауна“ тврди дека крилниот напаѓач може да биде најдобро платен играч во фудбалската историја доколку ја прифати понудата.
Португалскиот интернационалец, Кристијано Роналдо, во саудиски Ал Наср има плата од 263 милиони евра годишно, што го прави најплатениот фудбалер во светот. Според „Footmercato“, Винисиус би добил петгодишен договор вреден една милијарда евра по сезона.
Бразилецот би бил прашан и за спортската политика во новиот клуб, нешто како Килијан Мбапе, додека го носеше дресот на францускиот гигант ПСЖ.
Винисиус би станал и заштитно лице на Светското првенство кое во 2034 година ќе се одржи во Саудиска Арабија. Поранешниот фудбалер на Фламенго е во Реал (М) од 2018 година, а на одиграните 279 натпревари постигна 91 гол.
Во дресот на „кралскиот клуб“ освои две ЛШ и три шампионати на Шпанија, а минатата недела тој заврши на второто место во изборот за „Златната топка“ на Франс Фудбал иако беше убеден дека престижната награда ќе заврши во неговите раце.
