Општина Центар повторно се претвора во урбана џунгла – бетон на секој ќош, градежништво без граници, а последниот хит: катови кои „не постојат“, маскирани мансарди и скриени архитектонски измами.
Во срцето на градот, се гради објект што ја надминува висината на сите околни згради. Последниот кат – изведен како мансарда, но во реалноста уште еден целосен кат – се крие зад формални трикови.
За ова реагира и новинарката Жанета Трајкоска која истовремено е и гласна активистка за чист и просторен град смета дека не остана точка во Центар што не се гради најкрвнички. Затоа, смета таа, кандидатот за уште еден мандат во оваа општина, Горан Герасимовски ќе изгуби на локалните избори.
Патем, додека термометарите пукаат, работниците се оставени под жешкото сонце без никаква заштита.
Во Центар не остана ни една парцела што не се гради. А за законот – важи само за обичните граѓани. Урбаната мафија цвета, додека општинските власти се преправаат дека не гледаат.
