Скопјанец му дал 50.000 денари на лице кое лажно се претставило дека работи во МВР

Осумдесет и петгодишен маж од Скопје вчера во СВР-Скопје пријавил дека бил измамен од едно лице за сума од 50.000 денари.

Како што соопшти денеска МВР, според пријавеното, измамата се случила на 1 ноември 2024 година кога лицето се претставило како вработено во МВР и му кажало дека ќе му помогне да го излечи неговиот син, а потоа и да го вработи, за што му ги побарал парите.

Оштетениот откако ги дал парите, забележал дека телефонот на лицето не бил достапен, по што сфатил дека е измамен.

Полицијата презема мерки за расчистување на случајот.

Текстот Скопјанец му дал 50.000 денари на лице кое лажно се претставило дека работи во МВР е превземен од А1он.