Новиот формат на Светското клупско првенство првпат ќе биде реализиран претстојното лето.
ФИФА реши да организира клупски мундијал со 32 екипи, клубовите ќе добијат солиден надомест за учество и потенцијално дополнителна заработка по основ н пласманот, но затоа ќе мора да ги почитува и правилата кои денеска се потенцирани од светската фудбалска централа.
Клубовите ќе мора да настапуваат со своите најсилни тимови, а евентуалното откажување на учеството ќе им донесе казна од половина милион евра.
Еден фудбалер ќе има право да настапува само за еден клуб за време на турнирот, а секој клуб треба да располага со најмалку 26 фудбалери.
Федерациите ќе имаат можност да реализираат дополнителен преоден рок од 1 до 10. јуни, а секоја од екипите ќе има право на две замени за фудбалери чии договори ќе истечат додека трае клупскиот мундијал, исто како и две засилувања во вид на трансфери во овој преоден рок.
