4
Тренерот на каталонскиот гигант Барселона Ханси Флик изјави дека се подготвуваат за мечот со Реал Мадрид како за секој претходен натпревар и нема да има посебни тактики.
„Нашата цел е да го извлечеме максимумот. Да го имаме поседот на топката повеќе, да бидеме компактни, да не оставаме простор меѓу линиите. Против Баерн Минхен одигравме одлично во второто полувреме. Тоа е нашиот стил на игра и нема да го менуваме ни против Реал Мадрид. Реал Мадрид е многу опасен ривал, но и ние добро се подготвуваме за дербито. Ќе играме за да победиме на Ел Класико“, рече Флик.
Барселона има само една победа и дури три порази во последните четири пресметки со најголемиот ривал.
