Аналитичарот Бљерим Хисени смета дека прекршувањето на Охридскиот договор ја попречува интеграцијата на Македонија во Европската Унија, наведувајќи дека Албанците се важен фактор без кој Македонија е нефункционална, пренесува албанската „ABC News“.
Тој изјавил дека премиерот Христијан Мицкоски продолжува со „политичките игри“, дека соработува со Србија и, како што тврди, колку и да е декларативен за ЕУ и НАТО, ја води Северна Македонија наназад.
„Се разбира, ништо добро не може да и се случи на оваа земја. Мислам дека 2001 година не беше толку одамна, кога Албанците и македонските сили се бореа лице в лице. Теренот го покажа спротивното, бидејќи Албанците се важен фактор без кој оваа земја е нефункционална. Тоа е докажано во минатото и ќе се докажува во иднина“, рекол Хисени.
Тој истакнал и дека во 2001 година Албанците во државните институции биле застапени со најмалку три проценти, додека денес таа бројка достигнала 20 проценти.
Според него, коалицијата на ВМРО-ДПМНЕ соработува со Србија и сојузничките земји.
„Колку што се изјаснуваат дека се за интеграција во ЕУ и НАТО, во основа прават чекори наназад, во однос на меѓународниот фактор. Мислам дека Македонците се убедени во силата што ја поседуваат Албанците во оваа земја, но поделбата на Албанците и прашањата од Охридскиот договор и нивните права секако ја зголемуваат меѓуетничката тензија во Македонија. Мислам дека меѓународниот фактор нема да дозволи влошување на ситуацијата“, вели Хисени.
The post Хисени: Прекршувањето на Охридскиот договор ја попречува интеграцијата на Македонија во ЕУ appeared first on Локално.
