5
Ракометната селекција на Македонија ги започна подготовките за стартот на европските квалификации, а селекторот Кирил Лазаров веднаш се соочи со непосакуван проблем.
На првиот собир не се појави ракометарот на РК Вардар, Томислав Јагуриновски, кој поради повреда ќе ги пропушти овие натпревари
Лазаров на списокот имаше и осум резерви, експресно повика замена за членот на „црвено-црните“ и на репрезентацијата и се приклучи Давид Савревски од Алкалоид.
Македонија квалификациите за следното ЕП ќе ги започне на свој терен, в среда против Естонија во Скопје додека четири дена подоцна следи гостување во Литванија.
Лазаров за овој дуел на располагање ќе има дваесет ракометари.
