5
Набавени се нови 1.212 канти за отпад, односно канти за хартија и за пластика, кои ќе бидат бесплатни за домаќинствата, и 59 контејнери, исто така, за овој вид отпад.
– Особено сакам да нагласам дека за прв пат почнуваме со трета канта за селекција на хартија и вакви канти ќе добијат околу 600 домаќинства – изјави градоначалникот на Струмица, Костадин Костадинов, по пристигнувањето на кантите и на контејнерите во дворот на комуналното претпријатие.
Според него, тоа е значителен влог на Општината и на ЈПКД „Комуналец“ во селектирањето на отпадот и во заштитата на животната средина и тој е убеден дека и домаќинствата што ќе ги добијат овие канти ќе знаат да го вреднуваат тоа и дека правилно ќе го селектираат отпадот.
