Добро информирани извори тврдат дека Џастин Бибер не е толку сигурен во себе, како што вели во албумот „Swag“.
Иако одеднаш издаде нов албум на 11 јули, направи и фотосесија со сопругата Хејли Бибер и нивниот 11-месечен син Џек Блус, упатените велат дека работите под површината не се толку совршени како што тој ги прикажува во јавноста.
Џастин сè уште е во судир со фоторепортерите, има и тепачки меѓу сопружниците преку социјалните мрежи, како и стравувања дека можеби ќе се врати на старите пороци.
„Тој не се справува баш добро со славата“, рече извор близок до пејачот, сугерирајќи дека личните демони сè уште го прогонуваат Бибер.
Предизвиците на славата и приватниот живот
Извор близок до Џастин рекол: „Замислете да бидете славни на 14 години, а луѓето да ве сакаат без причина само затоа што сте тоа што сте, или да ве мразат? Малкумина можат да го поднесат тоа. Тоа крши многу луѓе. Се грижам за него“.
Друг извор додаде: „Сè уште има нерешени прашања.“
По откажувањето на светската турнеја во 2022 година поради здравствени причини и албумот „Justice“ (2021), Бибер стана татко и делува посмирено, но сепак јавно доживува приватни кризи.
Извори блиски до пејачот тврдат дека неговите објави на социјалните мрежи пред објавувањето на албумот покажале дека се чувствувал изгубено и изразувал лутина.
„Тој има промени во расположението, екстремен е во тој поглед“, нагласува еден извор.
Во песната „Walking Away“, Бибер се осврнува на своите брачни проблеми со Хејли, со која е во брак од 2018 година:
„Деновите минуваат пребрзо, не сакам да ги поминам со тебе. Па зошто ми фрлаш камења по грб? Знаеш дека сум беспомошен… Мислам дека ни треба пауза“.
Односот кон приватноста и промените во семејството
Двојката ја заштитува приватноста на синот Џек Блус, па затоа е чудно што Џастин го ставил на насловната страница на албумот со скриено лице, особено затоа што претходно отворено зборувал за штетите од предвременото изложување во рани години.
„Тој сака да го заштити своето дете, бара приватност, а сепак го става на насловната страница на албумот“, коментирал еден извор.
Една од најголемите промени во кариерата на Бибер беше раскинувањето со менаџерот Скутер Браун во 2023 година, човекот кој го лансираше кон светска слава. Иако подоцна се согласија да го отплатат долгот од 31 милион долари, па нивната врска се олади. Финансиите на семејството беа зајакнати од линијата за убавина „Роуд“ на Хејли, која беше продадена за 1 милијарда долари.
Во секој случај, семесјтвото Бибер сега се соочува со предизвици во нивниот брак, со бројни гласини и шпекулации за развод. Иако се обидуваат да останат заедно пред медиумите, блиски извори велат дека Хејли поминува низ тежок период, а Џастин исто така работи на себе, но тоа е бавен процес. Хејли моментално го има главниот збор во семејството, додека Џастин сè уште бара свое место и стабилност.
The post Џастин Бибер повторно се соочува со своите лични демони appeared first on Локално.
