Пенелопе Круз ги воодушеви присутните со својата елегантна модна ревија на парискиот Bal d’Été, настанот што ја отвора Неделата на висока мода.
Во уникатниот амбиент на Музејот на декоративни уметности, каде што се прослави стогодишнината од Меѓународната изложба на декоративни уметности, Пенелопе Круз блесна во креација на Chanel.
Имено, за оваа пригода таа се одлучи за долг и лелеав темно син фустан на Chanel од колекцијата висока мода за пролет/лето 2025 година. Збогатен со слоеви од проѕирен тил и украсен со дискретни златни детали, фустанот даваше впечаток на нежност.
Асиметричниот горен дел со проѕирни слоеви додаде доза на модерност. Нејзиниот аутфит беше суптилен и рафиниран, а го надополни со црна чанта, минималистички накит, природна шминка и превиткана коса.
Иако Пенелопе Круз ретко се појавува во јавноста во последно време, секое нејзино појавување привлекува внимание. По серија промотивни активности за филмот „Ферари“ во кој ја играше улогата на Лаура Ферари наспроти Адам Драјвер, актерката накратко се повлече од медиумите.
Позната е по тоа што внимателно избира проекти, нагласувајќи го квалитетот и личната поврзаност со улогите. Покрај нејзините филмски ангажмани, Круз е активна во светот на модата како лице на Chanel и инспирација за многу модни дизајнери.
The post 📸Пенелопе Круз се одлучи за елегантна комбинација за парискиот Bal d’Été: Фустанот на Chanel го привлече вниманието на присутните appeared first on Локално.
