6
Кошаркарите на Реал Мадрид ја добија дерби пресметката против актуелниот шампион на Евролига, екипата на Панатинаикос во рамки на 4. коло. Тие пред своите навивачи го совладаа грчкиот тим со 90:86. Тоа беше втор триумф на Реал во новата сезона, додека тимот од Атина го претрпе вториот пораз.
Во победничкиот состав најефикасен беше Факундо Кампацо со 19 поени, Џенан Муса запиша 15, додека Алберто Абалде го заврши мечот со 13 коша. На спротивната страна прво име беше Кендрик Нан со 23 поени.
Резултати: Алба – Фенербахче 71:78, Макаби ТА – Партизан 79:91, Олимпија – Жалгирис 82:85, Баерн – Париз 109:107.
