Кралското семејство преку социјалните мрежи објави дека принцезата од Велс, Кејт Миделтон го завршила третманот со хемотерапии. Преку видео, Миделтон објаснува низ каков процес таа и нејзиното семејство поминале за овие девет месеци, а истовремено дава поддршка и на сите оние кои се борат со рак.
„Последните девет месеци беа неверојатно тешки за нас како семејство. Животот како што знаете може да се смени за миг и моравме да најдеме начин да се движиме по бурните води и непознатиот пат. Патувањето со ракот е сложено, застрашувачко и непредвидливо за сите, особено за најблиските,“ вели Миделтон.
Таа додава дека болеста ве доведува лице в лице со ранливоста на начин на кој дотогаш не сте размислувале, но отвора и нови перспективи.
„Вилијам и мене не потсети да размислуваме и да бидеме благодарни за едноставните, но важни работи во животот, кои многумина од нас често ги земаат здраво за готово. Едноставно да сакаш и да бидеш сакан,“ додава Миделтон, чија што цел, како што вели е да остане здрава.
Иако завршила со хемотерапија, вели дека нејзиниот пат до заздравување и целосно закрепнување е долг.
„Сепак, со нетрпение очекувам да се вратам на работа и да преземам уште неколку јавни ангажмани во наредните месеци кога ќе можам,“ додава Миделтон.
Семејството ја изрази благодарноста за секоја поддршка, љубезност и емпатија. Во следната фаза на закрепнување, вели дека влегува со надеж и ценење на животот.
„До сите оние кои го продолжуваат сопственото патување против ракот – останувам со вас, рамо до рамо, рака под рака. Од темнината, може да излезе светлина, па нека таа светлина свети силно,“ порача принцезата од Велс.
View this post on Instagram
Фото/видео: Кралско семејство
The post (Видео) Кејт Миделтон со порака по завршувањето со хемотерапии: Ракот не научи да бидеме благодарни за едноставните, но важни работи во животот appeared first on еМагазин.
