Регулаторната комисија за енергетика донесе одлука за намалување на цените на нафтените деривати.
Малопродажните цени на бензините Еуросупер БС-95 и Еуросупер БС-98 од вечерва поевтинуваат за еден денар за литар. Така, моторниот бензин Еуросупер БС-95 од ноќеска на полноќ на бензинските станици ќе се продава по максимална цена од 77 денари за литар, додека 98-октанскиот бензин ќе чини 79 денари за литар.
Поевтинува и дизел горивото и тоа за два денари. Од вечерва, литар Еуродизел ќе чини 68,5 денари за литар.
Истовремено, за два и пол денари за литар поевтинува Екстра лесното масло за домаќинство кое ќе се продава за 68 денари по литар.
Новата цена на мазутот изнесува 42,573 денари за килограм.
The post Намалување на цените на бензините и дизелот од полноќ appeared first on Локално.
