Венеција ќе го удвои бројот на денови во 2025 година, во кои на туристите ќе им се наплаќаат посети, сето тоа по успешниот пробен период минатата година, изјави градоначалникот на Венеција, Луиџи Бруниаро, пренесe Би-би-си.
Тој нагласи дека целта е да се обесхрабрат туристите да го посетат градот во текот на истите денови, „да и се даде на Венеција заслужената почит“.
Како што јавува Би-Би-Си, патниците кои ќе резервираат однапред, ќе треба да платат пет евра за престој во овој италијански град во одредени денови меѓу април и јули, што се зголемува на 10 евра ако резервираат помалку од четири дена однапред.
За потсетување, оваа такса првпат беше воведена минатиот април и опфаќаше 29 дена, главно викенди и државни празници, во тој четиримесечен период.
Овие давачки, јавува Би-Би-Си, ќе се применуваат секој петок до недела и државни празници помеѓу 18 април и 27 јули 2025 година, за вкупно 54 дена.
Сите посетители на возраст над 14 години ќе треба да ја платат оваа такса на своите телефони и да преземат QR код за да им го покажат на инспекторите, кои по случаен избор ќе ги проверуваат луѓето.
Оние без билет ризикуваат да добијат парична казна, пишува Би-Би-Си.
Како и со претходната исплата, ќе бидат ослободени лицата со резервации за хотели и гости, како и жителите на регионот Венето, студентите запишани на Универзитетот во Венеција и оние кои ги посетуваат роднините кои живеат во Венеција.
The post Венеција го зголемува бројот на денови во кои туристите ќе треба да плаќаат туристичка такса appeared first on Локално.
