Рускиот претседател Владимир Путин изјави дека украинските сили во областа Курск не разбираат дека се опколени, пренесува Спутник.
„Украинската армија повеќе не е во состојба стабилно да управува со опколените единици во областа Курск. Луѓето кои се во рингот не ни сфаќаат дека се опколени“, изјави Путин за „Русија 1“.
Според него, непријателот сега се обидува да ги деблокира тие сили.
Еден ден претходно, рускиот претседател објави дека околу 2.000 украински војници се опколени во областа Курск, пренесува ТАСС.
„Во моментов тие се обидуваат да ги одблокираат, тие дури и не сфаќаат дека се опколени бидејќи, судејќи според информациите што ги имаме, стабилната команда и контрола се изгубени“, рече Путин.
Украинската армија на 6 август изврши ненадеен напад врз Русија во областа Курск, при што презеде контрола врз голем дел од оваа област.
Текстот Путин: Украинските сили во Курск не разбираат дека се опколени е превземен од А1он.
