Трој Дини, кој минатата сезона играше за Форест Грин Роверс, а најголемиот дел од кариерата го мина во Вотфорд, за кого играше 419 пати и постигна 140 голови, призна дека потрошил повеќе од 300.000 евра додека се забавувал во Лас Вегас.
Голгетерот од Бирмингем, кој беше капитен на Вотфорд и учествуваше во промоциите во 2015 и 2021 година, ги објасни деталите од неговите забави во подкастот „Undr the Cosh“.
Дини призна дека отишол во Лас Вегас во 2105 година откако обезбедил пласман во Премиер лигата со Ватфорд, а тоа го направил за да го исполни ветувањето.
„Потрошив повеќе од 300.000 евра за три дена во Лас Вегас. Би сакал да ви кажам дека изгубив на коцкање, но не…“, призна Дини.
Поранешниот фудбалер размислуваше за тоа како ги трошел парите за забави во Лас Вегас: „96.000 на забава покрај базен, 96.000 во MGM наутро и 72.000 навечер“.
Дини откри повеќе детали за тридневната забава во Лас Вегас, како на пример дека „во тоа време имаше пет фудбалери на ергенската забава, а тие беа на соседната маса“ и дека „сите заедно заминале на моминска забава со 15 канадски девојки кои беа модели на Викторија Сикрет“.
„Една од девојките ми кажа дека се модели на Викторија Сикрет и јас си помислив „фала Исусе, сега сум во рајот“… Не ни направив ништо, испив толку многу што ме однесоа во такси“, се сеќава Дини.
Напаѓачот, кој во текот на неговата кариера играше за Челмсли Таун, Волсал, Вотфорд, Бирмингем Сити и Форест Грин Роверс, призна дека „сето тоа беше его, јас бев идиот од највисок ред и сега можев да ги искористам тие 300.000 евра“.
Исто така, Дини ќе остане запаметен по некои изјави што ги даде, но и по тоа што одби да замине во Саудиска Арабија летото 2023 година.
